Lumayo ka man sa akin
At ako'y iyong limutin
Masakit man sa damdamin
Pilit pa ring titiisin

Mga lumipas na ligaya
Ang kahapong may pag-asa
Mga pangarap na walang hanggan
Ay naglaho paglisan mo, mahal ko

'Pagkat saan ka man naroroon
Pintig ng puso ko'y para sa 'yo
Naghihirap man ang aking damdamin
Nagmamahal pa rin sa 'yo, giliw
Limutin man kita'y 'di ko magawa
Hindi pa rin ako nagbabago
Ang pag-ibig ko sa 'yo'y laging kasama

Mga sandaling ligaya
Kung ikaw ang siyang kasama
Sana ay 'di na natapos pa
Wala nang nais pang iba

Sa gabing naaalala
Nalulumbay 'pagkat wala ka
Ang yakap mo'y aking inaasam
Sana'y maulit pang muli, mahal ko

'Pagkat saan ka man naroroon
Pintig ng puso ko'y para sa 'yo
Naghihirap man ang aking damdamin
Nagmamahal pa rin sa 'yo, giliw
Limutin man kita'y 'di ko magawa
Hindi pa rin ako nagbabago
Ang pag-ibig ko sa 'yo'y laging kasama

Tuluyan mang tayo'y 'di magkita
Umaasa pa rin ako, sinta
'Pagkat mahal kita, manalig ka
Walang katulad mo sa buhay ko
Ikaw lamang ngayon, bukas, kailanman
Naririto ako, asahan mo
Ang pag-ibig ko sa 'yo'y laging kasama
Ang pag-ibig ko sa 'yo'y laging kasama